أخبار النجوم والفن والمجتمع

فناني الزمن الجميل فى الاخلاق وجبر الخواطر

عادل حامد

في استوديو جلال أستاذ سليمان نجيب متعصب ?? شافته الفنانة ملك الجمل…
ملك: خير يا سليمان….مالك مزعبب ليه !!
سليمان: صباح الورد يا ست ملك…. عم عرفان يا ستي عامل البوفيه…جيت الصبح لقيته بيبكي …و بسأله عرفت أن مساعد المخرج اتعصب عليه ،و أهانه ادام الكاست كله ….بقي ده يصح !!
ملك: لا….ازاي الكلام ده …معقولة ده مساعد المخرج بتاعنا قمة في الذوق والأدب….غريبة !!
سليمان: ده أسلوب غير لائق …عم عرفان ده راجل أكبر مني في السن…و مهذب و خدوم…. عمره ما قصر مع حد فينا يقوم ده جزاته….
ملك: عندك حق يا سليمان بس هدي اخلاقك….الأصول محدش يزعل منها …اومال…. و الكبير له احترامه….عم عرفان ده واحد مننا…بس خليني اتكلم مع مساعد المخرج و اشوف الموضوع ايه …
سليمان : تسلمي يا ست ملك …اروح انا اجهز للتصوير….
بعد ساعة ??
ملك: اتكلمت معاه يا سليمان…و قالي انه كان متعصب لان كان فيه كذا كاميرا عطلانه… علشان كده فقد أعصابه….و راح اعتذر لعم عرفان ….و عايز يجي يعتذر لك…
سليمان : ممنون يا ست ملك….مفيش داعي يعتذر لي …المهم الراجل الغلبان ده منكسرش بخاطره ده احنا عيلة واحدة ….
ملك : أبو الأصول يا سليمان…ربنا يجازيك كل خير…. بس انا واخدة على خاطري منك…قلت لك كم مرة لازم تشرفني في المرسح…تشوف الرواية الجديدة اللي بنعرضها….
سليمان : اعذريني يا ست الكل من ساعة ما مسكت مدير دار الأوبرا ، و الدنيا مكركبة فوق دماغي….بس وعد مني اجي لك و أبارك لك …انتي مش عارفة معزتك ولا ايه يا ست ملك …
ملك : تسلم …ربنا يديم المعروف…يلا بقي عم عرفان عمل لنا فنجان قهوة معتبر بعد ما مزاجه راق….
سليمان : يلا يا ستي هنيا مقدما.
الزمن الجميل فى الاخلاق وجبر الخواطر

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى