عادل حامد
أهم حاجة الواحد اتعلمها من الرياضة إن مافيش حاجة اسمها الوقت فات أو أنا اتأخرت على اني أبدأ. أنا بدأت رياضة في الجيم و أنا عندي 30 سنة وأنا حالياً 44 و مستمرة. أنا اخترت الحديد و استهواني و هدفي دائماً زيادة الاوزان و الكتلة العضلية. الهدف من الكلام ده التأكيد على إن بصرف النظر عن الرياضة اللي نفسك تمارسها أو حتي الهواية إبدأ! إبدأ في أي وقت. أنا مش متفرغة للرياضة. بالعكس أنا بدرس في الجامعة و رئيس قطاع التسويق في شركة تطوير عقاري بس اللي إتعلمته إن مهما كان الواحد وقته ضيق مع شوية تنظيم ممكن يوجد وقت خصوصاً لو كان الوقت ده لممارسة حاجة هتفرق في الصحة العامة. و طبعاً مافيش نتايج في الرياضة بدون أسلوب حياه صحي متكامل يشمل التغذية السليمة و الراحة اللازمة و ساعات النوم الكافية. و من النقطة ديه قررت في السنوات الاخيرة أني انقل تجربتي و خبرتي للناس إلي ممكن تستفيد منها عبر وسائل التواصل الإجتماعي ل MIREILLE ISHAK FITNESS
على الفيسبوك و الإنستجرام عن طريق تقديم فيديوهات للتمارين و نصايح لأنظمة غذاء صحية مناسبة لأسلوب حياة كل شخص لأن التعميم في البرامج ديه مش صح. الموضوع ممكن ميكنش سهل و بيحتاج إصرار و إستمرارية و إنضباط بس بجد مستاهل و بيفرق في الصحة العامة و الصحة النفسية و في الحياه عامةً.
