أخبار عاجلة

خواطر حول الأهلى فى كأس العالم للأندية

 

كتبت – دينا بيومى

– مبروك للأهلى وجماهيره التتويج ببرونزية كأس العالم للأندية، لأنه كان الأفضل من بالميراس البرايزلى اللى طلع كونغولى مالوش علاقة بالسامبا

– الشناوى أخطبوط حراسة المرمى هو صاحب الفضل في تتويج الأحمر بالبرونزية…أسد يا شنو

– حظ الأهلى كان ممكن يكون في المباراة النهائية لو كان لاعب بالميراس بدل البايرن العملاق ..لكن الحلو ما يكملش ..وحلو على كده

– مش مستغرب من كتائب الأهلى الالكترونية اللى كانت بتبارك على خسارة فريقها بهدفين فقط في مباراة نصف النهائي وشايفين ده إنجاز وإعجاز ، لكن عمرك شوفت اتحاد في أى لعبة في العالم يهنئ فريق على الخسارة ..ده اللى عمله اتحاد الكرة بتاعنا وبارك للأهلى على خسارته …تخيلوا .. وفي الأخر يزعلوا لما نقول أنه فيه عقليات بتفكر غلط ومسئولين عايزين يرجعونا 100 سنة للوراء

– الأهلي ملعبش كرة قدم أمام البايرن… إيه المشكلة إن احنا نقول كده؟

– صناعة المبررات مش محتاج حد عبقري.. أي حد ممكن يخلق لك 900 مبرر لأي فشل في لحظات

– طب ما إحنا ملعبناش أمام الدحيل القطرى وكسبنا ..والتوفيق كان حليفنا واتقال وقتها المهم المكسب ( ملحوظة دي كانت نفس قاعدة كوبر اللي مشيناه)

– البايرن فريق عالمي ؟ آه طبعا وأقوى وأفضل مش محتاجه كلام… ولكن ده عمره ما يمنع إن إحنا نلعب كرة خاصة أن الأحمر ممثل الكرة الأفريقية مش مصر بس

– العين الإماراتي في نسخة كاس العالم كلنا فاكرين عمل إيه ولعب ازاي رغم المبررات كانت هي هي موجودة …لكنه أبلى البلاء الحسن أمام ثلاثة أبطال قاريين مواصلاً شق طريقه بثبات إلى النهائي وحصل على الميدالية الفضية

– أنا مقولتش لازم نكسب البايرن رغم أنه تفكير طبيعي انك طالما دخلت أي مباراة تفكر تكسب ولكن تجاوزا أنا بقول نلعب كورة بس أو نحاول على الأقل فيها ايه دي ؟

– عيب الأهلى وجهازه وجماهيره أنها سلمت بفكرة الخسارة مسبقا ودي في حد ذاتها هزيمة نفسية خليتك داخل المواجهة وأنت مسلم مبدئيا بفكر الخسارة، بس ده كان ممكن يكون سبب يخليك تلعب بدون ضغوط وتتحرر منها وتقدم كورة كويسة أو شبه كويسة مش العكس خالص على فكرة

– عجبني حسام غالي نجم الأهلى السابق لما قال كنت أتمنى لقاءً أقوى من جانب الأهلي أمام العملاق الألمانى

– كرة القدم هى السهل الممتنع كل ما تكون سهل كل ما الكورة هتخدمك وتطاوعك بس انت ألعب ..لكن فكرة أنا داخل أخسر بأقل نتيجة خليت شكلك وحش قوى ..

عن adel

شاهد أيضاً

محمود فرج بطل المصارعه الحره المصري الذي تنازل عن جنسيته النمساويه علشان يا مصر

عادل حامد من أكتر الوجوه المعروفة للي بيتابع رياضة المصارعة هو الكابتن الراحل “ممدوح فرج” …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *