أخبار عاجلة

محمود فرج بطل المصارعه الحره المصري الذي تنازل عن جنسيته النمساويه علشان يا مصر

عادل حامد

من أكتر الوجوه المعروفة للي بيتابع رياضة المصارعة هو الكابتن الراحل “ممدوح فرج” خصوصاً من خلال تقديمه لمجموعة برامج عن المصارعة فى مصر كانت هى نواة بداية متابعتنا للماتشات العالمية بالذات مع تعليقه المميز، والمختلف.. بس كابتن “ممدوح” ماكنش مذيع فقط زي ما ممكن الأغلب يفتكروا!.. ده كان بطل مصري عالمي مهم فى اللعبة، وجاب لبلده جوايز كتير.. خلّونا نكلمكم عنها وعنه..

كابتن “ممدوح” أسر قلوب محبين المصارعة في حلبات المصارعة وعلى شاشات التليفزيون.. تم تلقيبه بلقب مصارع القرن للعرب وإفريقيا، لإسهاماته المتميزة في مصارعة المحترفين.. كمان أخد الدكتوراه في “التربية الرياضية”..

هو إبن أخو الممثل الراحل “محمود فرج” اللى كان معروف بـ دور “عفركوش” مع “إسماعيل ياسين” فى فيلم “الفانوس السحري”..

“ممدوح” لعب ملاكمة زى والده بالظبط وكان محترف فيها لدرجة إنه أخد 6 بطولات أوروبية في مجال الملاكمة بـ”الضربة القاضية” بس ساب الملاكمة وقرر يشوف حاجة تانية!..

سافر النمسا وهناك اتجه لعالم المصارعة عن طريق السمسار الأوروبي وبطل العالم السابق “جورج شوتس” اللى كرس حياته عشان يعلم “ممدوح” كل أسرار المصارعة.. حب “ممدوح” الوضع وبقى حافظ لفنون اللعبة وبعد سنتين من التدريب أخد لقب بطل أوروبا!، وبعدها ركز “ممدوح” على الوصول للعالمية عشان يكون ضمن مشاهير العالم في المصارعة!.. بالمناسبة.. “ممدوح” تنازل عن الجنسية النمساوية عشان يقدر يلعب بإسم مصر، ويرفع علمها مع إن فرص شهرته كانت هتبقي أكبر لو لعب كـ نمساوي بس رغبته إن إنجازاته اللى كان متأكد من تحقيقها تُنسب لـ مصر كانت أقوي..

كابتن “ممدوح” أحرز بطولة العالم 5 مرات، وفاز على “فلانتينى، وكيم جون كيندى، وهرقلز، وزيك فيلير، وتونى أتلس”.. لعب “ممدوح” آخر مباراة له قدام “هيركليز فيرناندو” المصارع اللى هزم “هولك هوجان”، ولعب “ممدوح” المباراة دى في إستاد القاهرة وسط هتافات 17 ألف مشجع، وفي سنة 1997 إعتزل “ممدوح” المصارعة..

تم تكريمه من رئيس الإتحاد الأوروبي لمصارعة المحترفين، وتم منحه كأس ذهبية ولقب “مصارع القرن” في إفريقيا والعالم العربي..

اتجه “ممدوح” بعد اعتزاله للمصارعة للعمل الإعلامي، وقدم برنامج مصارعة المحترفين على شبكة راديو وتليفزيون العرب الرياضية “إيه آر تي” لغاية سنة 2007، ثم “لمس أكتاف” على قناة “مودرن سبورت 1” لغاية سنة 2009، وبرنامج “الضربة القاضية” على قناة “نايل سبورت” المصرية لغاية 2011، وبعدها انضم من سنة 2011 لشبكة تليفزيون “النهار” وقدم برنامج “المصارع”..

اتوفي “ممدوح” سنة 2014 وعمره 63 سنة بعد ما عاني من المرض فترة، و من الحاجات المؤلمة فى حياة “ممدوح” إن تاريخ وفاته هو نفسه تاريخ ميلاده اللى كان 16 أغسطس..

ربنا يرحم كابتن “ممدوح فرج” هوجان مصر والعرب.

عن adel

شاهد أيضاً

بالصور ساره سلامه ونجوم الفن الرياضة في بطولة الجمهورية للفروسية تنظيم الاتحاد الرياضي المصري للإعاقات الذهنية

عادل حامدنادي ضباط الحرس الجمهوري يشهد اليوم تنظيم الاتحاد الرياضي المصري للإعاقات الذهنية بطولة الجمهورية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *